စထာပါနာလီမိတက်သည် မိမိ၏အသင်းသားများ အခက်အခဲကြုံတွေ့ရချိန်တိုင်းတွင် တတ်အားသမျှ ပါဝင်ကူညီရန် အမြဲအသင့်ရှိနေပါသည်။ ၂၀၂၆ ခုနှစ်၊ ဇန်နဝါရီလ (၂၅) ရက်နေ့တွင် သဘာဝမီးဘေးအန္တရာယ်ကြောင့် ထိခိုက်ဆုံးရှုံးမှုများ ကြုံတွေ့ခဲ့ရသော ငပုတောမြို့နယ်၊ ဥသျှစ်ကွင်းကျေးရွာအုပ်စု၊ ချောင်းဝကျေးရွာရှိ စထာပါနာအသင်းသားများထံသို့ စထာပါနာလီမိတက်၊ ပုသိမ်ရုံးခွဲ မှ ရုံးခွဲတာဝန်ခံနှင့် ဝန်ထမ်းများက ကိုယ်တိုင်ကိုယ်ကျ သွားရောက်အားပေး ကူညီခဲ့ကြပါသည်။
မီးဘေးသင့် မိသားစုများ၏ ပူပင်သောကများ အနည်းငယ်ဖြစ်စေ လျော့ပါးသက်သာစေရန် ရည်ရွယ်၍ အခြေခံစားနပ်ရိက္ခာများနှင့် ထောက်ပံ့ငွေများကို စေတနာအပြည့်ဖြင့် လှူဒါန်းထောက်ပံ့ခဲ့ပါသည်။ အခက်အခဲများကို အမြန်ဆုံးကျော်လွှားပြီး လူမှုဘဝများ ပြန်လည်အဆင်ပြေလာစေရန် စထာပါနာမိသားစုမှ ဆုတောင်းမေတ္တာ ပို့သအပ်ပါသည်။
