ရှန်တန်နု ဆန်ဂုသား၊ ဒါရိုက်တာ

ရှန်တန်နု ဆန်ဂုသား သည် အိန္ဒိယနှင့် အရှေ့တောင်အာရှတိုက်တစ်လွှားရှိ လက်လီဘဏ်ဝန်ဆောင်မှုလုပ်ငန်း၊ လက်လီပိုင်ဆိုင်မှု စီမံခန့်ခွဲမှု၊ ဓနစီမံခန့်ခွဲမှု၊ အသေးစားနှင့် အလတ်စား (SME) ဘဏ်ဝန်ဆောင်မှုလုပ်ငန်း၊ အကြွေးဝယ်ကတ်နှင့် ဒစ်ဂျစ်တယ်ကူးပြောင်းမှု နယ်ပယ်များတွင် အတွေ့အကြုံ နှစ် (၃၀) နီးပါးရှိသည့် အကြီးတန်းဘဏ်လုပ်ငန်း အမှုဆောင်အရာရှိတစ်ဦး ဖြစ်ပါသည်။ ဆန်ဂုသားသည် DBS Bank၊ The Royal Bank of Scotland (RBS)၊ ABN AMRO Bank၊ Citibank၊ Bank of America နှင့် Bandhan Bank အစရှိသည့် ထိပ်တန်းအပြည်ပြည်ဆိုင်ရာနှင့် ပြည်တွင်းဘဏ္ဍာရေးအဖွဲ့အစည်းများတွင် နိုင်ငံအဆင့်နှင့် အကြီးတန်းစီမံခန့်ခွဲမှုအဆင့် စသည့် မြင့်မားသော ရာထူးနေရာများကို တာဝန်ယူခဲ့သူ ဖြစ်ပါသည်။ ၎င်း၏ လုပ်သက်တစ်လျှောက်တွင် ကြီးမားသော လက်လီဘဏ်ဝန်ဆောင်မှုလုပ်ငန်း ကွန်ရက်များကို တည်ဆောက်ခြင်း၊ ဒစ်ဂျစ်တယ်အသွင်ကူးပြောင်းမှုကို ဖော်ဆောင်ခြင်း၊ စီမံအုပ်ချုပ်မှုစနစ်များကို အားကောင်းစေခြင်းနှင့် ရှုပ်ထွေးသော စည်းမျဉ်းစည်းကမ်းကြီးကြပ်စစ်ဆေးရေး ပတ်ဝန်းကျင်များအတွက် လမ်းညွှန်ချက်ချမှတ်ပေးခြင်း တို့အပေါ် အဓိကထား လုပ်ဆောင်ခဲ့ပါသည်။ DBS Bank တွင် တာဝန်ထမ်းဆောင်စဉ်အတွင်း လက်လီဘဏ်ဝန်ဆောင်မှုလုပ်ငန်း၊ ဒစ်ဂျစ်တယ်ဘဏ် လုပ်ငန်းနှင့် ဓနစီမံခန့်ခွဲမှုဌာန၏ Managing Director နှင့် Country Executive အဖြစ် အိန္ဒိယနိုင်ငံ၏ ပထမဆုံးသော မိုဘိုင်းသီးသန့်ဘဏ်ဖြစ်သည့် digibank ကို စတင်မိတ်ဆက်ခဲ့ပြီး သုံးစွဲသူသန်းပေါင်းများစွာ ရှိသော ဒစ်ဂျစ်တယ်နှင့် ဓနစီမံခန့်ခွဲမှုပလပ်ဖောင်းကို ကြီးကြပ်ကွပ်ကဲခဲ့ပါသည်။ Bandhan Bank တွင်မူ လက်လီဘဏ်ဝန်ဆောင်မှုလုပ်ငန်းဆိုင်ရာ Executive President နှင့် Country Head အဖြစ် တာဝန်ယူခဲ့ပြီး တစ်နိုင်ငံလုံးရှိ ဘဏ်ခွဲကွန်ရက်များအနှံ့ mass-market ၊ SME နှင့် Affluent ကဏ္ဍများအထိ ကျယ်ပြန့်သော လက်လီလုပ်ငန်းယန္တရားကြီး (Retail Franchise) ကို အသွင်ကူးပြောင်းရန် တာဝန်ယူခဲ့ပါသည်။ ၎င်း၏ အစောပိုင်းလုပ်သက်ကာလများတွင် RBS နှင့် ABN AMRO တို့၌ အကြီးတန်းခေါင်းဆောင်ပိုင်းရာထူးများဖြင့် လက်လီဘဏ်ဝန်ဆောင်မှုလုပ်ငန်း၊ အကျိုးဆောင်လုပ်ငန်းနှင့် ဓနစီမံခန့်ခွဲမှုလုပ်ငန်းများကို ဦးဆောင်ခဲ့ပြီး အိန္ဒိယ၏ ပထမဆုံးသော နိုင်ငံခြားဘဏ်မှ ဦးဆောင်သည့် အွန်လိုင်းလက်လီအကျိုးဆောင် ပလပ်ဖောင်းကိုလည်း စတင်ခဲ့ပါသည်။ ဆန်ဂုသားသည် စီမံအုပ်ချုပ်မှု၊ စည်းမျဉ်းလိုက်နာမှု၊ ဆုံးရှုံးနိုင်ခြေစီမံခန့်ခွဲမှုနှင့် အကြီးစားစီးပွားရေးလုပ်ငန်း အသွင်ကူးပြောင်းမှုဆိုင်ရာ ကိစ္စရပ်များနှင့်ပတ်သက်၍ စည်းမျဉ်းကြီးကြပ်စစ်ဆေးရေးအဖွဲ့များ၊ ဒါရိုက်တာဘုတ်အဖွဲ့များ၊ အကြီးတန်းလုပ်ငန်းဆက်စပ်သက်ဆိုင်သူများ (Senior Stakeholders) နှင့် လက်တွဲလုပ်ဆောင်ခဲ့သည့် အတွေ့အကြုံများစွာ ရှိပါသည်။ ၎င်းသည် ကာလကတ္တားတက္ကသိုလ်မှ စီးပွားရေးစီမံခန့်ခွဲမှုပညာမဟာဘွဲ့ကို ရရှိထားပြီး MIT တက္ကသိုလ်မှ ဥာဏ်ရည်တု (AI) နှင့် ဒေတာသိပ္ပံ (Data Science) ဘာသာရပ်များအပါအဝင် အဆင့်မြင့်အမှုဆောင်နှင့် နည်းပညာဆိုင်ရာသင်တန်းများကိုလည်း တက်ရောက်ပြီးမြောက်ထားသူ ဖြစ်ပါသည်။