ဟိရာမစု နာအိုရာ၊ ဒါရိုက်တာ

မစ္စတာ ဟိရာမစု နာအိုရာသည် ၁၉၈၈ ခုနှစ်တွင် တိုကျိုရှိ Mitsubishi UFJ Bank တွင် စတင်ဝင်ရောက်အလုပ်လုပ်ကိုင်ခဲ့သည်။ အလုပ်လုပ်ကိုင်ခဲ့သည့် ၃၅ နှစ်တာကာလအတွင်း ၄င်းသည် ဝါရင့် ဘဏ်လုပ်ငန်းနှင့် ကော်ပိုရိတ်အမှုဆောင်အရာရှိအဖြစ် အတွေ့အကြုံများစွာကို ရရှိခဲ့သည်။ MUFG တွင် လုပ်ကိုင်နေစဉ်ကာလအတွင်း နိုင်ငံရပ်ခြားတာဝန်များအဖြစ် နယူးရောက်နှင့် စင်္ကာပူတို့တွင် ငွေတိုက်၊ ကော်ပိုရိတ်စီမံကိန်းရေးဆွဲရေး၊ ဘဏ္ဍာရေး၊ ဝန်ထမ်းရေးရာ၊ သတင်းအချက်အလက်နည်းပညာစီမံခန့်ခွဲမှု နှင့် ဆုံးရှုံးနိုင်ချေနှင့် လိုက်နာဆောင်ရွက်မှုစသည့်အခန်းကဏ္ဍမျိုးစုံတွင် တာဝန်ထမ်းဆောင်ခဲ့ရသည်။ ဒါ့အပြင် ဒေသခံဝန်ထမ်းများ စီမံခန့်ခွဲမှုလုပ်ငန်းစဉ်အတွင်း ပါဝင်နိုင်ရန် နည်းဗျူဟာများ ဖော်ထုတ်ခြင်း၊ အုပ်ချုပ်မှုဆိုင်ရာ အရေးပါသော ပြောင်းလဲမှုများကို အကောင်အထည်ဖော်ခြင်း၊ နိုင်ငံတကာတွင် မိမိဘဏ်၏ဖြစ်တည်မှုကို ပိုမိုတိုးတက်အောင် ဆောင်ရွက်ခြင်း၊ ကုမ္ပဏီအတွင်းလုပ်ငန်းစဉ်များ ပိုမိုထိရောက်မှုရှိအောင် လုပ်ဆောင်ခြင်း စသည့်လုပ်ငန်း၏စွမ်းဆောင်ရည်တိုးမြှင့်ရာကဏ္ဍများတွင် များစွာပါဝင်လုပ်ကိုင်ခဲ့သည်။ ၂၀၁၉ ခုနှစ်တွင် မစ္စတာ ဟိရမစုသည် Nippon Paint Group သို့ ပြောင်းရွှေ့လုပ်ကိုင်ခဲ့ပြီး ကုမ္ပဏီ၏ ကမ္ဘာတစ်ဝန်းစျေးကွက်ထိုးဖောက်ရာတွင် ဦးဆောင်ဦးရွက်ပြုခဲ့သည်။ Nippon Paint Automotive Coatings Co.,Ltd တွင် ဒုတိယဥက္ကဌ၊ အမှုဆောင်ကော်ပိုရိတ်အရာရှိတို့အဖြစ် တာဝန်ယူခဲ့ပြီး ကြီးမားသော ဘဏ္ဍာရေးနှင့် လုပ်ငန်းဆိုင်ရာ ပြုပြင်ပြောင်းလဲမှုများပြုလုပ်ခြင်း၊ လုပ်ငန်းဧရိယာအသစ်များ ထုတ်ဖော်ခြင်း၊ စီမံခန့်ခွဲမှုဆိုင်ရာ အခြေခံအုတ်မြစ်များချမှတ်ခြင်း စသည်တို့ကို ဦးဆောင်အကောင်အထည်ဖော်ခဲ့သည်။ ဒါ့အပြင်၄င်းသည် ဉာဏ်ရည်တုနည်းပညာနှင့် ဒီဂျစ်တယ်အသွင်ပြောင်းလဲမှုတို့ကို အခြေပြုကာ လုပ်ငန်း၏ ထုတ်လုပ်နိုင်စွမ်း၊ အကျိုးအမြတ်နှင့် လုပ်ငန်းကြီးထွားမှုတို့ကို ဖြစ်ပေါ်စေခဲ့သည်။ ၂၀၂၄ ခုနှစ်တွင် ကော်ပိုရိတ်အရာရှိအဖြစ် မာရုဟန်ကော်ပိုရေးရှင်းနှင့်လက်တွဲခဲ့ပြီး၊ ၄င်းသည် ပြည်ပဘဏ္ဍာရေးလုပ်ငန်းခွဲအဖွဲ့အစည်းများကို ကြီးကြပ်ခြင်း၊ လုပ်ငန်းတိုးမြှင့်မှုနှင့် ပြုပြင်ပြောင်းလဲမှုများတွင် လုပ်ငန်းနည်းဗျူဟာဆိုင်ရာ လိုအပ်ချက်များကို ပံ့ပိုးခြင်းများအတွက် တာဝန်ယူဆောင်ရွက်လျက်ရှိပါသည်။