ဘုတ်အဖွဲ့ဝင်များ

blank

ကန်ဟန်၊ မန်နေဂျင်းဒါရိုက်တာ

ဂျပန်လူမျိုး ကန်ဟန်သည် ၁၉၉၈ ခုနှစ်မှစ၍ Normura Securities တွင် အလုပ်လုပ်ခဲ့ပြီး၊ (၂၀၀၀) ခုနှစ်တွင် မာရုဟန်ကော်ပိုရေးရှင်းကို ဝင်ရောက်ခဲ့ပါသည်။ (၂၀၀၇) ခုနှစ်တွင် မာရုဟန်ကော်ပိုရေးရှင်း၏ ဒါရိုက်တာအဖြစ်၊ (၂၀၁၄) ခုနှစ်တွင် မန်နေဂျင်းဒါရိုက်တာအဖြစ်၊ (၂၀၂၀) ခုနှစ်တွင် ကိုယ်စားပြုဒါရိုက်တာအဖြစ်၊ (၂၀၂၁) ခုနှစ်တွင် ဘဏ္ဍာရေးကုမ္ပဏီ၏ ဥက္ကဌ အဖြစ် ခန့်အပ်ခံခဲ့ရပါသည်။ ကန်ဟန်သည် စင်္ကာပူအခြေစိုက် ဘဏ္ဍာရေးရုံးချုပ် ဖြစ်သော MARUHAN Investment Asia Pte. Ltd. ၏ မန်းနေဂျင်းဒါရိုက်တာ နှင့် အမှုဆောင်အရာရှိချုပ်/ဥက္ကဌ လည်း ဖြစ်ပါသည်။ သူသည် ဘဏ္ဍာရေး လက်အောက်ခံကုမ္ပဏီများဖြစ်သော စထာပါနာဘဏ် ပီလယ်လ်စီ၊ စထာပါနာလီမိတက်မြန်မာ ၊ နှင့် မာရုဟန်ဂျပန်ဘဏ်လာအို တို့ကိုလည်း စီမံခန့်ခွဲလျက် ရှိပါသည်။ ကန်ဟန်သည် ဒိုရှိရှတက္ကသိုလ်မှ ဥပဒေအထူးပြုဖြင့် ၁၉၉၇ ခုနှစ်တွင် ဘွဲ့ရရှိခဲ့ပါသည်။

blank

ဒေါက်တာဟန်ချောင်ဝူး၊ ဒါရိုက်တာ

ဂျပန်လူမျိုး ဒေါက်တာဟန်ချောင်ဝူး၊ ဒါရိုက်တာသည် ဂေါက်ကွင်းများ၊ ဂေါက်ရိုက်လေ့ကျင့်ကွင်းများ၊ ဘိုးလင်းရုံများ ၊ ဂိမ်းစင်တာများ ၊ စားသောက်ဆိုင်များ နှင့် ပါချင်းကိုပါလော့ ကစားရုံများ အစရှိသည့် ဖျော်ဖြေရေးလုပ်ငန်းများကို စီမံခန့်ခွဲသော မာရုဟန် ကော်ပိုရေးရှင်း ဂျပန် ၏ တည်ထောင်သူ ဉက္ကဌ အမှုဆောင်အရာရှိချုပ် ဖြစ်သည်။ ဒေါက်တာဟန်ချောင်ဝူး သည် မာရုဟန် ကော်ပိုရေးရှင်းကို (၁၉၅၇) တွင်တည်ထောင်ခဲ့ပြီး နှစ်စဉ်ရောင်းရငွေ အမေရိကန်ဒေါ်လာ (၂၇) ဘီလီယံ ကျော်ထိ စီးပွားရေးလျှင်မြန် တိုးတက်အောင် လုပ်ဆောင်ခဲ့ပါသည်။ မာရုဟန် ကော်ပိုရေးရှင်းကို ဂျပန်နိုင်ငံရှိ သက်ဆိုင်ရာလုပ်ငန်း နယ်ပယ်တွင် ဉီးဆောင်ဉီးရွက်ပြုနေသော ကုမ္ပဏီအဖြစ် သိကြပါသည်။ ကုမ္ပဏီ၏ စီးပွားရေးတိုးတက် အောင်မြင်မှုကို ဒေါက်တာဟန်ချောင်ဝူး သည် ဖောက်သည်များ စိတ်ကျေနပ်မှုရရှိရန် အားသွန်ခွန်စိုက် ကြိုးစားမှုနှင့် စိန်ခေါ်မှုများကို ကြိုဆိုသော စိတ်ဓာတ်ဖြင့်တည်ဆောက်ထားသည်။ ယခုလက်ရှိတွင် ဒေါက်တာဟန်ချောင်ဝူး သည် အချို့သော အဖွဲ့အစည်းများတွင် တက်ကြွစွာ ပါဝင်လှုပ်ရှားလျက်ရှိပါသည်။ Han Chang-Woo Tetsu Cultural Foundation တွင် အုပ်ချုပ်မှု ဒါရိုက်တာအဖြစ် လည်းကောင်း၊ Kyoto Chapter United Nations Association of Japan ၏ အုပ်ချုပ်ရေး အရာရှိ အဖြစ်လည်းကောင်း ၊ Tokyo Philharmonic ၏ ဒါရိုက်တာအဖြစ်လည်းကောင်း လုပ်ဆောင်လျက်ရှိသည်။ ဒေါက်တာဟန်ချောင်ဝူး သည် ဟိုစိုင်းတက္ကသိုလ်မှ (၁၉၅၃) ခုနှစ်တွင် နိုင်ငံရေးဘောဂဗေဒဘွဲ့ရရှိခဲ့ပါသည်။

blank

ကင်ဘာဒါ၊ ဒါရိုက်တာ

ကင်ဘာဒါသည် ကမ္ဘောဒီးယားဗဟိုဘဏ် (NBC) တွင် လုပ်သက် (၃၇) နှစ်ကျော်ရှိပြီဖြစ်သည်။ ဗဟိုဘဏ်၏ Kandal ပြည်နယ်ရုံးခွဲဌာနမှူးမှ စတင်၍ ဘဏ်များကြီးကြပ်ရေးဦးစီးဌာန၏ ညွှန်ကြားရေးမှူးချုပ် ဖြစ်သည်အထိ တာဝန်ထမ်းဆောင်ခဲ့သည့်အချိန်အတွင်း၌ ဘဏ်နယ်ပယ်တွင် ဆုံးရှုံးမှုစီမံခန့်ခွဲရေး (ဈေးကွက် ၊ ချေးငွေ၊ ငွေဖြစ်လွယ်မှု ၊ လုပ်ငန်းလည်ပတ်မှုဆိုင်ရာ ဆုံးရှုံးမှု အစရှိသည့် ) ကော်ပိုရိတ်အုပ်ချုပ်ရေး နှင့် စီးပွားရေးဗျူဟာချမှတ်ခြင်း တို့ကဲ့သို့ အကြီးအကဲ ရာထူးများ၌ တာဝန်ထမ်းဆောင်ခဲ့ပါသည်။ ကင်ဘာဒါသည် ၂၀၀၀ ခုနှစ်များအတွင်း ကမ္ဘောဒီးယား၌ ကောင်းစွာထိန်းညှိ ကြီးကြပ်မှုရှိသော ၊ ယှဉ်ပြိုင်နိုင်စွမ်းရှိ၍ ဆုံးရှုံးမှုများမှ ရှင်သန်နိုင်သော ဘဏ်စနစ်တစ်ခုကို ပြန်လည်တည်ဆောက်ရာတွင် အဓိကအခန်းကဏ္ဍမှ ပါဝင်ခဲ့ပါသည်။ ကမ္ဘောဒီးယားနိုင်ငံ၏ စီးပွားရေး တိုးတက်မှုကို တိုက်တွန်းနှိုးဆော်ရန် ငွေကြေးစုဆောင်းခြင်းကို ထိရောက်စွာ စည်းရုံးခဲ့ပါသည်။ ကင်ဘာဒါသည် (၁၉၇၅) ခုနှစ်တွင် ဥပဒေဘွဲ့၊ (၁၉၈၅) ခုနှစ်တွင် ဘဏ်လုပ်ငန်းဆိုင်ရာဘွဲ့ နှင့် (၂၀၀၃) ခုနှစ်တွင် သြစတြေးလျနိုင်ငံ Charles Sturt တက္ကသိုလ်မှ စီးပွားရေးလုပ်ငန်းစီမံခန့်ခွဲမှု မဟာဘွဲ့ကို ဘဏ္ဍာရေးအထူးပြုဖြင့်ရရှိခဲ့ပါသည်။ ကင်ဘာဒါသည် ကမ္ဘောဒီးယားနိုင်ငံရှိ လူသိများသော တက္ကသိုလ်အချို့၌ ကထိကအဖြစ်လည်းကောင်း ၊ ဧည့်ဟောပြောသူအဖြစ်လည်းကောင်း ထမ်းဆောင်ခဲ့ပါသည်။ ထို့အပြင် ကင်ဘာဒါသည် လွန်ခဲ့သော (၁၀) နှစ်အတွင်းတွင် ထိန်းညှိကြီးကြပ်မှုနှင့်ဆိုင်သော ဘောင်ကန့်သတ်ချက် ၊ ဘဏ်လုပ်ငန်း ၊ အသေးစားငွေရေးကြေးရေးလုပ်ငန်း ၊ မိုဘိုင်းဘဏ်စနစ်နှင့် ငွေကြေးဆိုင်ရာဝန်ဆောင်မှုများတွင် ပါဝင်ခြင်း နှင့်သက်ဆိုင်သော ညီလာခံများ ၊ ဆွေးနွေးပွဲများတွင် ထင်ပေါ်သော ဟောပြောသူအဖြစ် ပါဝင်လှုပ်ရှားခဲ့ပါသည်။ ကင်ဘာဒါသည် နိုင်ငံတကာအဆင့်၌ ဇူလိုင်လ (၂၀၁၂) မှ ဇွန်လ (၂၀၁၄) အထိ အာရှ-ပစိဖိတ် ကျေးလက်နှင့် စိုက်ပျိုးမွေးမြူရေးချေးငွေ အဖွဲ့အစည်း (APRACA) ၏ ဥက္ကဌရာထူးဖြင့် ဇန်နဝါရီလ (၂၀၁၅) မှ ဇွန်လ (၂၀၁၇) ထိ လူတိုင်းစေ့တရားဝင် ဘဏ္ဍာရေးဝန်ဆောင်မှုရရှိနိုင်ရေး မဟာမိတ်အဖွဲ့ (AFI) ၏ အမှုဆောင်အဖွဲ့ဝင်အဖြစ် ပါဝင်ခဲ့ပါသည်။