(၁၀) နှစ်ပြည့်ပွဲသို့ ဘဏ္ဍာရေးနှင့်အခွန်ဝန်ကြီးဌာန၊ ငွေရေးကြေးရေးကြီးကြပ်စစ်ဆေးရေးဦးစီးဌာန၊ ဒုတိယညွှန်ကြားရေးမှူးချုပ် ဦးသန့်ဇင် နှင့်တကွ ငွေရေးကြေးရေးကြီးကြပ်စစ်ဆေးရေးဦးစီးဌာနမှ တာဝန်ရှိပုဂ္ဂိုလ်များ၊ စထာပါနာလီမိတက်၏ ဦးဆောင်ညွှန်ကြားရေးမှူး Mr. Ken Han ၊ အမှုဆောင်အရာရှိချုပ် Mr. Sudeep Gupta ၊ ဒါရိုက်တာအဖွဲ့ဝင်များ၊ စထာပါနာ၏ဝန်ထမ်းများ၊ ပြည်တွင်းပြည်ပဘဏ်များ၊ စာရင်းစစ်နှင့် ဥပဒေရေးရာအတိုင်ပင်ခံ ကုမ္ပဏီများ၊ စီးပွားရေးမိတ်ဖက်အဖွဲ့အစည်းများမှ အကြီးတန်းစီမံခန့်ခွဲသူများနှင့်၊ ရန်ကုန်မြို့ရှိ ဦးဆောင်အသေးစားငွေရေးကြေးရေးအဖွဲ့အစည်းများမှ တာဝန်ရှိသူများ တက်ရောက်ချီးမြှင့်ခဲ့ပါသည်။

အထိမ်းအမှတ်ပွဲကို စုစည်းညီညွတ်မှုကို ထင်ဟပ်စေသော နှစ်သက်စဖွယ် မြန်မာ့ရိုးရာအကဖြင့် လှပစွာဖွင့်လှစ်ခဲ့ပါသည်။ ဦးစွာ Mr. Ken Han မှ ကြိုဆိုနှုတ်ခွန်းဆက်စကားပြောကြားပြီး ဦးသန့်ဇင် မှ ဝမ်းမြောက်မုဒိတာစကား ပြောကြား၍ Myanmar Financial Sector အကြောင်းကို အကျဥ်းချုပ် ရှင်းလင်းပြောကြားခဲ့ပါသည်။

ထို့နောက် Mr. Sudeep Gupta မှ စထာပါနာ ဖြတ်သန်းခဲ့သော (၁၀) နှစ်တာခရီးစဥ်တွင် ရရှိအောင်မြင်ခဲ့သော အဓိကမှတ်တိုင်များ၊ ကြီးမားသောပြောင်းလဲတိုးတက်မှုနှင့် လူတိုင်းလက်လှမ်းမီသော ဘဏ္ဍာရေးစနစ်ကို မဆုပ်မနစ်ဖော်ဆောင်နေသော ကတိကဝတ်တို့ကို အဓိကထား ရှင်းလင်းတင်ပြခဲ့ပါသည်။

ဆက်လက်၍ (၁၀) နှစ်ပြည့်ပွဲ၏ အဓိကအစီအစဥ်အဖြစ် Kagami Biraki ခေါ် “ဂျပန်ရိုးရာ ဆာကေးအရက်စည် ဖွင့်ဖောက်ခြင်း” ကို ကြွယ်ဝချမ်းသာခြင်း၊ ကံကောင်းခြင်း နှင့် ပွဲတက်ဧည့်ပရိသတ်များအား ချမ်းသာသုခနှင့် ပြည့်စုံခြင်းတို့ ဆောင်ကျဥ်းလာစေရန်အလို့ငှာ လုပ်ဆောင်ခဲ့ပါသည်။

ထို့အပြင် စထာပါနာလီမိတက်၏ စိတ်ဓာတ်နှင့် (၁၀) စုနှစ်အတွင်း အဖွဲ့အစည်း၏ ကောင်းမွန်သောသက်ရောက်မှုများကို ထင်ဟပ်စေသော Theme Song နှင့် Documentary Video တို့ကိုလည်း ဂုဏ်ယူစွာပြသခဲ့သည်။

ထို့နောက် စထာပါနာလုပ်ငန်းစတင်လည်ပတ်သည့်အချိန်မှစ၍ ယနေ့တိုင် စထာပါနာ၏လုပ်ငန်းတာဝန်များကို တစိုက်မတ်မတ် ထမ်းဆောင်ပေးနေသော (၁၀) နှစ်ပြည့်ဝန်ထမ်း (၈) ယောက်အားလည်း ဂုဏ်ပြုဆုများ ပေးအပ်ခဲ့သည်။

စထာပါနာလီမိတက်၏ ဒုတိယအမှုဆောင်အရာရှိချုပ် Mr. Yuji Muto မှ တက်ရောက်ဂုဏ်ပြုပေးကြ သူများအားလုံးကို ၎င်းတို့၏ စဥ်ဆက်မပြတ် ပံ့ပိုးကူညီမှု နှင့် ပူးပေါင်းဆောင်ရွက်မှုတို့အတွက် ကျေးဇူးတင်စကား ပြောကြားခဲ့ပါသည်။

အခမ်းအနား၏ နောက်ဆုံးအစီအစဥ်အဖြစ် ညစာတည်ခင်းကျွေးမွေး၍ Bamboo Trio တီးဝိုင်းအဖွဲ့ဖြင့် ဖျော်ဖြေခဲ့ပါသည်။

စထာပါနာလီမိတက်သည် ရှေ့သို့ဆက်လက်လျှောက်လှမ်းရင်း လူမှုပတ်ဝန်းကျင်အဖွဲ့အစည်းများ၏ လုပ်နိုင်စွမ်းကို အားပေးမြှင့်တင်ခြင်း၊ တီထွင်ဆန်းသစ်မှုများကို အားပေးခြင်း၊ ယုံကြည်မှုနှင့် ကောင်းမွန်သောအကျိုးသက်ရောက်မှုကို အားပေးသော အနာဂတ်တည်ဆောက်ခြင်းတို့ကိုလည်း ဆက်လက်ဆောင်ရွက်သွားမည်ဆိုတာကို ကတိကဝတ်ထားရှိပါသည်။