မြန်မာ့ ၁၂ လရာသီ ပွဲတော်တစ်ခုဖြစ်တဲ့ တန်ဆောင်တိုင်ပွဲတော်နဲ့အတူ ဗုဒ္ဓဘာသာဝင်များ ကထိန်သင်္ကန်းဆပ်ကပ်လှူဒါန်းကုသိုလ်ပြုကြသည့် ကထိန်ရာသီပွဲတော်သည် မြန်မာနိုင်ငံ တစ်ဝန်းလုံး စည်းကားသိုက်မြိုက်စွာ ကျင်းပကြသည့် ပွဲတော်တစ်ခုဖြစ်ပါသည်။
ကထိန်ကင်္ကန်းကပ်လှူခြင်းအလေ့အထမှာ မြတ်စွာဘုရားရှင်လက်ထက် ဝါဝေယျကတိုင်းတွင် သီတင်းသုံးသော ဘဒ္ဒဝဂ္ဂီ ရဟန်းသုံးကျိပ်အား ဝါကျွတ်ကာလ သင်္ကန်းလျာ နွမ်းနယ်ပါးရှားချိန် ကပ်လှူကြရာမှ အစပြုခဲ့သည်ဟုမှတ်သားရပါသည်။
ကထိန်သင်္ကန်းသည်ကား သီတင်းကျွတ်လပြည့်ကျော် ၁ ရက်နေ့မှ တန်ဆောင်မုန်းလပြည့်နေ့အထိ အချိန်ကာလအတွင်း ဝါတွင်းသုံးလပတ်လုံး ဝါမကျိုးမပျက်ဘဲ ပဝါရဏာပြုသော ရဟန်းရှိရာ ကျောင်းတိုက်တို့၌သာ တစ်နှစ်တစ်ကြိမ်လှူဒါန်းကြရခြင်းဖြစ်ပြီး၊ ကထိန်သင်္ကန်းကပ်လှူရာတွင် သံဃာပြည့်စုံခြင်း၊ ကထိန်သင်္ကန်းအသစ်ကို အဓိဋ္ဌာန်တင်ရခြင်း၊ ကထိန်ခင်းခြင်းကို သိမ်အတွင်း၌သာ ပြုလုပ်ရခြင်းအစရှိတဲ့ လက္ခဏာတွေနဲ့ပြည့်စုံမှုရှိရသည်ဟုလည်းမှတ်သားရပါသည်။ ထို့အပြင် ကထိန်သင်္ကန်းလှူဒါန်းသူတို့မှာလည်း ကထိန်သင်္ကန်း၏အာနိသင်နှင့် ဆက်စပ်သောအကျိုးတရားများ ရရှိနိုင်ကြသည့်အတွက်ကြောင့် ကထိန်ရာသီပွဲတော်သည် မြန်မာလူမျိုးဗုဒ္ဓဘာသာဝင်တို့ အထွတ်အထိပ်ထားသော အခါသမယပင်ဖြစ်ပါသည်။
စထာပါနာလီမိတက် ဝန်ထမ်းမိသားစု၏ စုပေါင်းဘုံကထိန်အလှူတော်အနေဖြင့်လည်း ၂၄.၁၁.၂၀၂၃ (သောကြာနေ့) တွင် ရန်ကုန်မြို့၊ လင်းလွန်းပင် ပရိယတ္တိစာသင်တိုက်ရှိ သံဃာတော်အရှင်သူမြတ်တို့အား ကထိန်လျာသင်္ကန်းနှင့် အခြံအရံလှူဖွယ်ဝတ္ထုပစ္စည်းများအားဆက်ကပ်၍ ရေစက်ချအမျှပေးဝေ လှူဒါန်းခဲ့ပါသည်။
