အကူအညီလိုအပ်လျက်ရှိသော အသင်းဝင်များအတွက် စာနာမျှဝေခံစားပေးခြင်းသည် စထာပါနာအနေဖြင့် အရေးတကြီးထည့်သွင်းစဉ်းစားသော အချက်ဖြစ်သည်။ ဆန်နှင့် အခြားလိုအပ်သောပစ္စည်းများကို ပုသိမ်မြို့ရှိ အိမ်များမီးထဲပါသွားသော မီးဘေးသင့် အသင်းဝင်များအား ထောက်ပံ့ပေးခဲ့ပါသည်။
စထာပါနာ၏ ဒုတိယမြောက်အလှူအဖြစ် ဧရာဝတီတိုင်းဒေသကြီး၊ ပုသိမ်မြို့နယ်၊ (၉) ရပ်ကွက်နှင့် (၁၀) ရပ်ကွက်ရှိ ရေဘေးသင့်ပြည်သူများကို ၂၀၁၆ ခုနှစ်၊ စက်တင်ဘာလ၊ ၃ ရက်နေ့တွင် ဆန်အိတ်နှင့် ရေသန့် (၃၃၀)စီ လှူဒါန်းခဲ့ပါသည်။ ထိုလှူဒါန်းသည့် အခမ်းအနားကို ငွေရေးကြေးရေးကြီးကြပ်စစ်ဆေးရေးဦးစီးဌာန၏ တိုင်းဒေသကြီးအမှုဆောင်အရာရှိ၊ ဒေသန္တရအုပ်ချုပ်ရေးအဖွဲ့များ၊ ရုံးခွဲရှိ အုပ်ချုပ်ရေးတာဝန်ရှိသူများနှင့် ဝန်ထမ်းများ တက်ရောက်ပါဝင်ခဲ့ပါသည်။
